喺主頁面，用家可以自訂：

i）答題模式：
按 題目 ⇄ 答案 分為
文字 ⇄ 拼音 和 語音 ⇄ 拼音 模式。

ii）顯示模式：
揀選 粵拼 或 IPA ，決定題目選項嘅標示方式。

iii）對比類別：
從「聲母」「韻腹」「韻尾」「聲調」四大類中揀選一項作對比重點。

iv）對比音素/聲調：
喺揀定嘅類別下，再挑選兩個唔同嘅音素/聲調進行對比。
（例如韻尾 -t vs -k，或者聲母 b vs p）

v）隨機模式：
開啟後，每一題都會由系統隨機揀選唔同嘅類別同音素/聲調組合。

vi）挑戰模式：
開啟後，系統會不停隨機出題，直至答錯為止。

vii）作答題目數量：
自訂想作答幾多題。 當手動選擇音素組合時，
畫面會即時顯示「符合條件嘅字數」。

viii）難度：
根據題目詞頻分為BB班、普通班、精英班，
難度愈高包含愈多詞頻低嘅題目；預設為普通班。

按「開始作答」後，畫面中央會顯示一個粵語字詞
下方提供兩個發音選項（分別對應你所選嘅對比項）。


答題頁面設有：​

i）「題目數量及得分」

ii）「顯示模式」：
可以睇到目前用嘅係邊種拼音系統，
亦可以點選「更改顯示」切換，
切換後嘅呢一題同後面嘅題目都會沿用新選定嘅模式。
（可以隨時再轉）

iii）「正在對比的音素/聲調」

iv）「返回主畫面」：
用家可隨時中斷測驗返回設定畫面。

v）「語音模式」
（適用於 文字 ⇄ 拼音 模式）：
開啟後，答案選項旁邊會出現可以播放語音嘅按鍵。

答完全部題目後，成績頁面會顯示：

i）總分同正確率

ii）查看題目按鈕：
可回顧每一題、你原本嘅選擇同正確答案，方便檢視錯處。

iii）返回主頁面按鈕：
重新設定並開始新一輪練習。

iv）提交成績：
將你喺挑戰模式獲得嘅成績上傳到排行榜。